Հայաստանում չեմ ապրել, բայց տեղյակ եմ օպերայի անցուդարձին. Անդրանիկ Արզումանյան

«Ճիշտ է, ես Հայաստանում չեմ ապրում, բայց դա չի նշանակում, որ Հայաստանի հետ կապս խզել եմ` ամեն տարի 1-2 ամսով Երևան եմ եկել»,- Yerkir.am-ի հետ զրույցում ասաց Ալ. Սպենդիարյանի անվան օպերայի և բալետի ազգային ակադեմիական թատրոնի տնօրենի թափուր պաշտոնի հավակնորդ Անդրանիկ Արզումանյանը:

Նա նշեց, որ շուրջ 10 տարի եղել է Եգիպտոսում Ռուսաստանի մշակույթի կենտրոնի ղեկավարը:

«Ճիշտ է, ոչ Հայաստանում, սակայն մշակութային ոլորտում ղեկավարման փորձ ունեմ: Ես վերադարձա Հայաստան` անձնական-ընտանեկան պատճառներով, և կոչ եմ անում բոլոր հայերին` վերադառնալ Երևան: Ես տեղյակ եմ նաև Օպերայի խնդիրների մասին, գիտեմ, որ խմորումներ կան, հեշտ չի լինելու, սակայն կարևորը համախմբվելն է, ընտանիք դառնալը»,- ասաց Արզումանյանը:

Նա նշեց նաև, որ իր մեջ տեսնում է օպերայի թատրոնը ղեկավարելու ուժ: Անդրադառնալով հարցին, թե օպերայի թատրոնի տնօրեն կարող է դառնալ այն անձը, ով ՀՀ քաղաքացիություն ունի, Արզումանյանը հավաստիացրեց, որ ինքը երկքաղաքացի է, հետևաբար, ունի ՀՀ քաղաքացիություն:

Դիտեք տեսանյութը: