Ոչ իշխանական չորս ուժերը նիստ են անում

Քիչ առաջ Ազգային ժողովում մեկնարկեց չորս ոչ իշխանական խմբակցությունների դռնփակ նիստը: Այս մասին ԱԺ-ից տեղեկացնում է Yerkir.am-ի թղթակիցը: Այսօր քննարկում են ապրիլի 28-30 ընկած ժամանակահատվածում տեղի ունենալիք շուրջօրյա հանրահավաքների կազմակերպչական հարցերը:

Նիստին ՀԱԿ խմբակցությունից ներկա են Արամ Մանուկյանն ու Լևոն Զուրաբյանը, ԲՀԿ-ից` Վահան Բաբայանն ու Ստեփան Մարգարյանը, «Ժառանգությունից»` Ռուբեն Հակոբյանն ու Թևան Պողոսյանը, իսկ ՀՅԴ-ից` Արմեն Ռուստամյանը: Ամենայն հավանականությամբն կքննարկվի նաեւ ՍԴ այսօրվա որոշումը:

Հիշեցնենք, որ երեկ քառյակը կրկին դռնփակ նիստ էր հրավիրել և հայտարարել, որ ապրիլի 28-30-ը Ազատության հրապարակում շուրջօրյա հանրահավաքներ են անցկացնելու: