Էրդողանը վերահաստատում է Սիրիայի հարցում իր քաղաքականությունը

Ըստ t24-ի՝ Թուրքիայի վարչապետ Ռեջեփ Թայիփ Էրդողանը, խոսելով Սիրիայում պատերազմի և վերջին օրերի դեպքերի մասին, ասել է. «Երկու երկրների հարաբերությունները դրական էին երևում: Այս դեպքերից առաջ մենք որոշ հարցերում նրանց զգուշացրել էինք: Ասադն ինձ իր մեքենայով ման էր տալիս: Մեր վերջին հանդիպումը եղել է Ասի գետի ափին: Տևել է երեք ժամ: Իհարկե, այդ ժամանակ մենք Ասադից նման բան չէինք սպասում: Մզկիթների ռմբակոծությունների ժամանակ քանի անգամ զանգահարեցի նրան, խնդրեցի, ասելով՝ վաղը ուրբաթ է, անմեղ մարդիկ թող չզոհվեն: Ասաց, որ դրանք անողներն իր մարդիկ չեն: Մենք մեր «բաց դռների» քաղաքականությունը շարունակում ենք: Վիրավորներին օգնություն ենք ցուցաբերում: Մեր օդային սահմանը խախտեցին, այդ իսկ պատճառով կործանեցինք նրանց ռազմական օդանավը: Եվ այսուհետ նման խախտումների դեպքում դրա պատասխանը ստանալու են: Կարծում են` ընտրությունների նախաշեմին ենք, դրա համար ա՞չք պիտի փակենք: Մեր 74 քաղաքացու սպանեցին: Ընդդիմությունը, հատկապես՝ Ժողովրդա-հանրապետական կուսակցությունը փորձում է նրանց գովաբանել: Նման քաղաքականություն հնարավո՞ր է »:

Նշենք, որ Էրդողանի հրամանով սիրիական ռազմական օդանավի կործանումը Թուրքիայում դիտվում է ընտրությունների նախաշեմին արված դիտավորյալ քայլ: