Բասկետբոլ. Ջեմմա Իսրայելյանի հուշամրցաշար

Այսօր «Գրանդ Սպորտ» մարզահամալիրում բասկետբոլի՝ Ջեմմա Իսրայելյանի հուշամրցաշարի հերթական խաղային օրն էր:  Հիշեցնենք, որ մրցաշարին մասնակցում են մինչև 15 տարեկան աղջիկների 4 թիմեր:

Երևանի ակումբների հավաքական թիմն այս փուլում 60:22 հաշվով հաղթեց «Արարատ»-ին:

Հիշեցնենք, որ երեկ մրցաշարի մեկնարկային խաղում Երևանի թիմը 55:30 հաշվով հաղթել էր Շիրակի մարզի թիմին:

Մյուս խաղում ղազախական «Ակտաու»-ն մրցեց շիրակցիների հետ: Այս խաղում ղազախ բասկետբոլիստուհիները նույնպես հաղթանակ տոնեցին՝  78:52 հաշվով: Նախորդ փուլում «Ակտաու»-ն 62:30 հաշվով վստահ հաղթանակ էր տարել արարատցիների նկատմամբ:

Խաղային 2 փուլերից հետո «Ակտաու»-ն և «Երևան»-ը միայն հաղթանակներ են տոնել: Վաղը այս 2 թիմերը կմրցեն միմյանց հետ: