Փոխարժեքներ
04 04 2025
|
||
---|---|---|
USD | ⚊ | $ 391.22 |
EUR | ⚊ | € 431.28 |
RUB | ⚊ | ₽ 4.6282 |
GBP | ⚊ | £ 508.39 |
GEL | ⚊ | ₾ 142.08 |
Այսօր «Գրանդ Սպորտ» մարզահամալիրում բասկետբոլի՝ Ջեմմա Իսրայելյանի հուշամրցաշարի վերջին խաղային օրն էր:
Առաջինը խաղահրապարակ դուրս եկան ետնապահները, որոնց պայքարում Շիրակի մարզի բասկետբոլիստուհիները հաղթեցին «Արարատ»-ին, և գրավեցին 3-րդ տեղը:
Ինչպես արդեն տեղեկացրել ենք, 2 խաղային փուլերից հետո Երևանի ակումբների մինչև 15 տարեկան աղջիկների հավաքական թիմը և Ղազախստանի չեմպիոն «Ակտաու»-ն միայն հաղթանակներ էին տոնել: Այսօր 2 ուժեղագույնները մրցեցին միմյանց հետ: Խաղն անցավ երևանցիների առավելությամբ, ովքեր 61:41 հաշվով հաղթեցի Ղազախստանի չեմպիոնուհիներին:
Հիշեցնենք, որ բոլորովին վերջերս Երևանի աղջիկների հավաքականը փայլուն հանդես եկավ նաև Վրաստանում տեղի ունեցած ընկերական խաղերում:
Խաղից հետո՝ yerkir.am-ի թղթակցի հետ հուշամրցաշարի տպավորություններով կիսվեց Երևանի «Աջափնյակ» աղջիկների թիմի, և Երևանի հավաքականի մարզչական կազմի անդամ Վիկա Մանուկյանը.
-Մրցաշարը կազմակերպված էր շատ բարձր մակարդակով: Մեր թիմը շատ լավ հանդես եկավ, և մենք սպասում էինք նման արդյունքի: Անելու ենք հնարավոր ամեն ինչ, որպեսզի դուրս գանք եվրոպական մրցասպարեզ: Մենք այժմ ունենք այն թիմը, որը կարող է պատվով ներկայացնել Հայաստանը, եվրոպական մրցասպարեզներում: