Ֆուտբոլի Հայաստանի գավաթի խաղարկություն

Այսօր ֆուտբոլի Հայաստանի գավաթի խաղարկության կիսաեզրափակիչ փուլում «Փյունիկ»-ը հյուրընկալվելիս 1:0 հաշվով առավելության հասավ «Միկա»-ի նկատմամբ և պատասխան խաղից առաջ եզրափակիչ դուրս գալու լուրջ հայտ ներկայացրեց:

Հանդիպման 7-րդ րոպեին Գագիկ Պողոսյանն առաջ մղեց իր թիմին: 2-րդ խաղակեսում  Արամ Ոսկանյանի սաները ստացան 11 մետրանոց տուգանային հարվածի իրավունք, սակայն Սարգիս Կարապետյանի հարվածից հետո «Փյունիկ»-ի դարպասապահ Գոռ Մանուկյանը ետ մղեց գնդակը:

Թիմերի միջև պատասխան խաղը տեղի կունենա ապրիլի 15-ին:

Հիշեցնենք, որ կիսաեզրափակիչի մյուս խաղում երեկ «Բանանց»-ը Կապանում 2:1 հաշվով առավելության հասավ «Գանձասար»-ի նկատմամբ: