Հայերը «չզբաղվել պոլիտիկա». Արա Աբրահամյանը՝ Ղրիմի դեպքերի մասին

«Հայկական ժամանակ» թերթը զրուցել է Ռուսաստանի հայերի միության նախագահ Արա Աբրահամյանի հետ։ Ներկայացնում ենք մի հատված հարցազրույցից:

-Պարոն Աբրահամյան, երեկ Մոսկվայում հանրահավաք էր՝ ի պաշտպանություն Ղրիմում ՌԴ նախագահ Վլադիմիր Պուտինի վարած քաղաքականության, եւ այդ հանրահավաքի կազմակերպիչներից մեկն էլ դուք էիք։ Ինչո՞ւ եք պաշտպանում այդ քաղաքականությունը եւ որն է ձեր դիրքորոշումը այդ հարցում։

-Ես կազմակերպիչ չեմ, բայց ես կողնակից եմ մեր նախագահի քաղաքականությանը, որովհետեւ այդ քաղաքականությունն ավելի արդյունավետ ու օգտակար է Ռուսաստանում հայ համայնքի համար։ Ինչ մնում է Ուկրաինայի եւ Ռուսաստանիի հարաբերություններին, դա քաղաքական խնդիր է, հայերի միությունն ընդհանրապես չի զբաղվում քաղաքական խնդիրներով։

-Ասում եք՝ չի զբաղվում, բայց միեւնույն ժամանակ Ղրիմի հարցով հանրաքվեի եք մասնակցում։

-Ռուսաստանի հայերի միության գործը, հայերի միության նախագահի գործը խաղաղությունն ու համերաշխությունն է Ուկրաինայի եւ Ռուսաստանի ժողովուրդների միջեւ։ Մեր գործն այն է, որ երկուսը միասին խաղաղ ձեւով, բանակցությունների միջոցով բոլոր խնդիրները լուծեն։ Եթե բանակցությունները արդյունքներ չեն տվել, պետք է նորից սկսել։ Ինչ վերաբերում է Ղրիմին, դա Ղրիմի ժողովրդի իրավունքն է, եւ պետք է հարգել այդ հանրաքվեն եւ դրա արդյունքները։

-Ղրիմի հանրաքվեն ինչպե՞ս կարող է անդրադառնալ Ղարաբաղի հարցի վրա։

Ինձ թվում է, սա շատ լավ օրինակ է, որ մենք ընդունենք Ղարաբաղի անկախությունը։ Եթե վաղը Ղարաբաղը ցանկանա մտնել Հայաստանի կազմ, մենք պետք է հարգենք այդ ընտրությունն էլ եւ անմիջապես ընդունենք Դա նորմալ երեւույթ է։

Առավել մանրամասն' թերթի այսօրվա համարում: