Ամեն ինչ անելու եմ, որ կրկին հավաքական հրավիրեն

Yerkir.am-ի  զրուցակիցն է  Լևոն Պաչաջյանը:

Yerkir.am.- Ինչպե՞ս ես գնահատում մեր հավաքականի շանսերը ԵՎՐՈ 2016-ի ընտրական փուլում:

Լևոն Պաչաջյան.- Շանսեր միշտ էլ կան, այլ հարց է, թե ինչպես են դրանք օգտագործվում: Ամեն դեպքում` ես այն կարծիքին եմ,  որ մեր հավաքականն այսօր հասել է այն մակարդակին, որ կարող է պայքարել ԵՎՐՈ 2016-ի ուղեգրի համար:  Համենայն դեպս, բոլորիս համար դա մեծ երազանք է:

Yerkir.am.- Մոտ ապագայում հնարավո՞ր է` կրկին հրավիրվես  հավաքական:

Լևոն Պաչաջյան .- Հավաքականից հրավեր ստանալու համար առաջին հերթին պետք է լավ մարզավիճակ ունենալ և ակումբում հաջող հանդես գալ: Կհրավիրեն, թե` ոչ, դա կորոշի մարզիչը, համենայն դեպս, ես ջանք ու եռանդ չեմ խնայում այդ ուղղությամբ:

Yerkir.am.- Ի՞նչ կասես ակումբի մասին, որտեղ խաղում ես, մարզավիճակիդ մասին:

Լևոն Պաչաջյան. - Ես հիմա հանդես եմ գալիս Շվեդիայի Սուպերետան առաջնությունում  հանդես եկող «Ասսիրիսկա»  ակումբում: Մենք հիմա նախապատրաստական շրջանում ենք: Այս փուլից գոհ եմ, շատ լավ է անցնում: Թիմը համալրվում է նոր խաղացողներով: Ես շատ լավ մարզավիճակում եմ, և ողջ թիմով մեծ ուժով պատրաստվում ենք ապրիլի 6-ին մեկնարկող առաջնությանը:

Նշենք , որ «Ասսիրիսկա» -ն  հանդես է գալիս Շվեդիայի  ֆուտբոլի առաջնության  ուժեղագույնների 2-րդ առաջնությունում, որտեղ  առաջին 2 տեղը գրաված թիմերը հաջորդ մրցաշրջանում դուրս են գալու  բարձրագույն խումբ: