Օլիգարխները պետք է մեկական միլիարդ տրամադրեն Ուկրաինայի վերականգնման համար. Բժեզինսկի

The Financial Times -ում տեղ է գտել Զբիգնեև Բժեզինսկիի հերթական հոդվածը՝ նվիրված Ուկրաինայում ստեղծված իրավիճակին:

Ամերիկացի հայտնի քաղաքագետը համարում է, որ ճիշտ ժամանակն է, որ Արևմուտքը միջամտի Ուկրաինայի գործերին, քանի որ տեսնում է Ռուսաստանի ռազմական միջամտության վտանգը: Ըստ նրա՝ Ռուսաստանը կարող է աջակցել Ղրիմի անջատմանը Ուկրաինայից:

Հոդվածում ուշագրավ է, սակայն, մեկ այլ բան՝  Ուկրաինայի տնտեսության վերականգմանն ուղղված առաջարկ, որ անում է քաղաքագետը: «ԵՄ-ն պետք է Ուկրաինային օգնություն տրամադրելու վերաբերյալ օրինագիծ մշակի: Սակայն կարևոր է նաև «համոզել» ուկրաինական էլիտայի 10 ներկայացուցիչներին մեկական միլիարդ տրամադրել Ուկրաինայի տնտեսության վերականգման համար: Օրինակ` Յանուկովիչի որդին, անկասկած, կարող է նույնիսկ այդ 10 միլիարդին համարժեք գումար տրամադրել»,- գրել է Բժեզինսկին: