Կենտրոնի դատարանը երեկ կալանավորեց Իսոյին

Yerkir.am-ի տեղեկություններով` երեկ Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Մնացական Մարտիրոսյանը բավարարել է քննչական մարմնի միջնորդությունը և երկամսյա կալանք նշանակել Արթուր Սաֆարյանի սպանության գործով ձերբակալված Իսրայել Սարգսյանի նկատմամբ: Նրան մեղադրանք է առաջադրվել ՀՀ ՔՕ 235 հոդվածի (ապօրինի զենք-զինամթերք կրելը, պահելը, օգտագործելը) հատկանիշներով:

Հիշեցնենք, որ Արթուր Սաֆարյանը սպանվել է շքամուտքի մոտ հունվարի 27-ին:

Ի դեպ, նույն դատարանում դեկտեմբերի 28-ին երկամսյա կալանքի որոշում էր կայացվել սպանված Սաֆարյանի եղբոր` քրեական աշխարհում հայտնի Կայարանցի Թևոսիկի նկատմամբ: