Ի՞նչ կապ ունի Թոխմախի Մհերը Թեւոսիկի հետ

«Ժողովուրդ»-ին հասած տեղեկությունների համաձայն՝ Թևոսիկի եղբոր հոգեհանգստին է մասնակցել նաև ԱԺ ՀՀԿ-ական պատգամավոր Մհեր Սեդրակյանը (Թոխմախի Մհեր)։ Փորձեցինք տեղեկությունը պարզել պատգամավորից, սակայն նրա հեռախոսին պատասխանեց անծանոթ մեկը և ստեց, թե Մ. Սեդրակյանը ՀՀ-ում չէ։ Մինչդեռ ականատեսները նրան տեսել են եկեղեցու բակում։ Թե ինչ կապ ունի Մ. Սեդրակյանը քրեական աշխարհում հայտնի Թևոսիկի ընտանիքի հետ, դժվար է ասել։

Սակայն «Ժողովուրդ»-ին տեղեկություններ հասան նաև, որ հուղարկավորության վայրում խոսվել է, թե Մ. Սեդրակյանն ինչ-ինչ խողովակներով խնդրել է Սերժ Սարգսյանին, որպեսզի նա թույլ տա Թևոսիկին վերադառնալ Հայաստան։ Այսինքն՝ նրան չկալանավորեն»,- գրում է թերթը: