Թուրքիայի խորհրդարանում Էրդողանի որդու պատճառով ծեծկռտուք է տեղի ունեցել

Թուրքիայի խորհրդարանում  «Արդարություն և զարգացում» և Ժողովրդա-հանրապետական կուսակցության պատգամավորների միջև վեճ է ծագել. հայտնում է hurriyet-ը:

Խորհրդարանի հերթական նիստի ժամանակ «Արդարություն և զարգացում» կուսակցության` Կ.Պոլսից պատգամավոր Օքթայ Սարալը հարվածել է Ժողովրդա-հանրապետական կուսակցության փոխնախագահ Բյուլենթ Թեզջանին, երբ վերջինս նրան ասել է. «Դու սուս»: Թեզջանի ունքը պատռվել է, աչքը` կապտել, ակնոցը` ջարդվել: Նրան տեղափոխել են հիվանդանոց:

Ժողովրդա-հանրապետական կուսակցության անդամներից Մուհարրեմ Ինջեն հայտնել է. «Ծեծկռտուքն սկսվեց, երբ մենք դատարանի` Էրդողանի որդուն ուղարկած ծանուցումը նրանց ներկայացրեցինք»: