Ծեծկռտուք Թուրքիայի խորհրդարանում

Թուրք պատգամավորներն առանց ձեռնամարտի կյանք չունեն: Այս անգամ էլ հերթական ծեծկռտուքի պատճառ է դարձել «Խաղաղություն եւ ժողովրդավարություն» քրդամետ կուսակցությունից պատգամավոր Հասիպ Ղափլանի ելույթը:

Վերջինս, խոսելով Քրդական բանվորական կուսակցության առաջնորդ Աբդուլահ Օջալանի մասին, ասել է «պարոն Օջալանը», եւ դա բավարար է եղել «Արդարություն եւ զարգացում» կուսակցության պատգամավորներին կատաղության հասցնելու համար:

«Չհամարձակվես 40 հազար թուրք սպանողին պարոն անվանել»,- բացականչել են նրանք, մի քանիսն էլ հարձակվել են Ղափլանի վրա:

Կռվին վերջ է տրվել, երբ խորհրդարանի փոխխոսնակ Սադըղ Յաղուտը ընդմիջել է նիստը:

Ըստ թուրքական ԶԼՄ-ների` պատգամավորների վարքով զբաղվելու է խորհրդարանի կարգապահական հանձնաժողովը: