Թուրքիայի խորհրդարանում հայ կին պատգամավորի ներկայությամբ ծեծկռտուք է տեղի ունեցել

Ազատազրկված լրագրողներին ազատ արձակելու մասին Սահմանադրական դատարանի որոշումը Թուրքիայի նախագահ Ռեջեփ Թայիփ Էրդողանի կողմից չհարգվելու վերաբերյալ հայտարարությունը խորհրդարանում ծեծկռտուքի պատճառ է դարձել։

Ըստ Haber7-ի՝ կռիվը տեղի է ունեցել Թուրքիայի ընդդիմադիր Ժողովրդա-հանրապետական կուսակցության և իշխող «Արդարություն և զարգացում» կուսակցության պատգամավորների միջև։

Բանավեճը կարճ ժամանակում վերածվել է ծեծկռտուքի: Պատգամավորները փորձել են բաժանել իրենց գործընկերներին: Նրանց թվում եղել է նաև ԺԴԿ հայ կին պատգամավոր Սելինա Դողանը: 

Հիշեցնենք, որ  ընդդիմադիր լրագրողներ Ջան Դյունդարն ու Էրդեմ Գյուլն անցյալ տարվա մայիսին Թուրքիայի ազգային հետախուզական ծառայություններին պատկանող բեռնատար մեքենաների մասին լուրեր հրապարակելու պատճառով դատապարտվել էին ազատազրկման: Երեք ամիս անց՝ փետրվարի 26-ին, նրանք ազատ էին արձակվել: