Տիգրան Սարգսյանը չխոսեց Տարոն Մարգարյանի խայտառակ ատենախոսության մասին

Այսօր` Տիգրան Սարգսյանի մամուլի ասուլիսի ժամանակ, լրագրողները նրանից հետաքրքվեցին, թե ի՞նչ կարծիք ունի ԱԺ-ում գազային պայմանագրերի քվեարկության ժամանակ լրագրողների հանդեպ որոշ պատգամավորների դրսևորած լկտի պահվածքի վերաբերյալ, ինչին ի պատասխան, վարչապետն ասաց. «ԱԺ-ում կա էթիկայի հանձնաժողով, ուստի դա պետք է դառնա էթիկայի հանձնաժողովի քննարկման առարկա: ԱԺ-ում տեղի ունեցող միջադեպերի քննարկման տեղը հենց ԱԺ-ն է, ճիշտ չէ, որ ես խոսեմ այդ մասին»:

ՀՊՏՀ-ում Երևանի քաղաքապետ Տարոն Մարգարյանի թեզի խայտառակ պաշտպանությանն ու այդ ընթացքում լրագրողների նկատմամբ ուսանողների դրսևորած լկտի պահվածքի վերաբերյալ ևս հարց հնչեց, սակայն վարչապետը դրան առհասարակ չպատասխանեց:

Նշենք, որ Տիգրան Սարգսյանն ավարտել է հենց ՀՊՏՀ-ն, ուր երեկ մեր ապագա տնտեսագետները ցույց տվեցին իրենց մակարդակը: