Նազարբաևը Մոսկվայում կրկին անդրադարձել է ԼՂ հարցին

Ղազախստանը պատրաստ է ստորագրել Հայաստանի՝ ՄՄ-ին միանալու «ճանապարհային քարտեզը», սակայն յուրահատուկ կարծիքով: Ղազախստանը պահանջում է պարզել Մաքսային միության սահմանների հարցը՝ կապված ԼՂ հիմնահարցի հետ: Այդ մասին հայտարարել է Ղազախստանի նախագահ Նուրսուլթան Նազարբաևը Մոսկվայում այսօր մեկնարկած` Եվրասիական տնտեսական բարձրագույն խորհրդի նիստի ժամանակ. հայտնում է РИА Новости-ն:

«Ընդհանուր առմամբ, Հայաստանի «ճանապարհային քարտեզը» համաձայնեցված է, կարծում եմ` այն հնարավոր է ընդունել: Միևնույն ժամանակ, ՄՄ-ի սահմանի հարցը, կապված ԼՂ հակամարտության հետ, բաց է մնում»,- ասել է նա:

Նազարբաևը հույս է հայտնել, որ փորձագետները փաստաթղթի համաձայնեցման ընթացքում կկարողանան լուծել այդ հարցը: