Տեղային վնասվածքներ, այտուցվածություն` գլխի վրա. ինչ վնասվածքներ է ստացել ՕԵԿ ցուցակը գլխավորող Փելեշյանի կողմից ծեծի ենթարկվածը

Երեկ երեկոյան «Հայկական վերածնունդ» կուսակցության` Վանաձորի ցուցակը գլխավորող Արկադի Փելեշյանը ծեծի էր ենթարկել Հայ Ավետարանական եկեղեցու առաջնորդ Ռաֆիկ Գրիգորյանին. հայտնում է 1in.am-ը.

Վանաձորի բժշկական կենտրոնի բժիշկ Կարեն Բեկչյանը Yerkir.am-ին հայտնեց, որ Գրիգորյանին իրենց բժշկական կենտրոն են տեղափոխել ընկերները: «Կյանքին սպառնացող վտանգ չի եղել: Խորհուրդ ենք տվել պառկի դինամիկ հսկողության, սակայն նա հրաժարվել է, այնուհետև խորհուրդ ենք տվել համակարգչային տոմոգրաֆիա  անցնի և մոտ օրերս գա, որ նայենք»,- ասաց նա:

Բեկչյանը նաև նշեց, որ Գրիգորյանը չի հոսպիտալացվել, նա ունեցել է տեղային վնասվածքներ, այտուցվածություն` գլխի վրա, կապտուկներ չեն եղել: