''ԿանԱԶ''-ի հոսպիտալում ծեծված զինծառայողներին տեղավորել են հոգեբուժարանում

«ԿանԱԶ»-ի կայազորային-կլինիկական հոսպիտալում նոյեմբերի 2-ի կեսգիշերին ծեծի ենթարկված ու փախուստի դիմած զինծառայողներին, ովքեր ազատազրկվել էին եւ գտնվում էին «Նուբարաշեն» ՔԿՀ-ում, այժմ տեղափոխել են հոգեբուժարան: Այս մասին ԳԱԼԱ-ին տեղեկացրեց նրանցից մեկի՝ Ռազմիկ Մանուկյանի մայրը` Աննա Կարապետյանը: Նա ասաց, սակայն, որ մինչեւ այժմ չեն թույլատրել տեսակցել իրենց որդիներին:

«Երեխեքին տեղափոխել են Նուբարաշենի հոգեբուժարան, երեքն էլ այնտեղ են, հիմա սպասում ենք կամիսիա լինի՝ տեսնենք` ինչ են որոշում: Կամիսիա են նշանակել երեխաների հոգեկանը ստուգելու համար, տեսնեն` ինչ խնդիրներ ունեն: Տեսակցել թույլ չի տրվում, քանի որ երեխաները ռազմական ոստիկանության հսկողության տակ են գտնվում»:

Հիշեցնենք, որ զինծառայողների ծնողները դժգոհում էին, թե «հա'մ երեխաներին ծեծել-ջարդել են, հա'մ էլ տարել փակել են եւ քրեական գործ են դրել վրեքը, իսկ ծեծող բժիշկները անպատիժ ազատության մեջ են»:

Շարունակությունը` այստեղ: