Շարմազանովը մատ թափ տվեց Փաշինյանի վրա

Այսօր ԱԺ հերթական նստաշրջանի վերջին օրն է:

Քվեարկության դրվեց ՀԱԿ խմբակցության` կառավարությանն ուղղված հարցապնդումը համատարած կոռուպցիայի վերաբերյալ: ՀԱԿ խմբակցության ղեկավար Լևոն Զուրաբյանը դիմեց հանրապետական պատգամավորներին, որ կողմ քվեարկեն հարցապնդմանը, եթե ընդունում են, որ կոռուպցիան չարիք է, և այն պետք է արմատախիլ անել:

ՀՀԿ խմբակցության ղեկավար Գալուստ Սահակյանը նշեց, որ քաղաքական մեծամասնությունը դեմ է քվեարկելու, որովհետև այդ հարցապնդումը լի է անհեթեթություններով:

Վարման կարգով ելույթ ունեցավ ԱԺ փոխխոսնակ Էդուարդ Շարմազանովը` ասելով, որ ՀՀԿ խմբակցությունը ընդունում է, որ կոռուպցիան չարիք է, բայց պետք է տեսնել նաև առաջընթացը:

Նրա ելույթի պահին ՀԱԿ պատգամավոր Նիկոլ Փաշինյանը տեղից դժգոհեց ու պահանջեց, որ անջատեն Շարմազանովի խոսափողը, որովհետև ինքը բովանդակային քննարկում է անում: Սկսվեց բանավեճ Էդուարդ Շարմազանովի ու Նիկոլ Փաշինյանի միջև: ԱԺ նախագահի տեղակալ Հերմինե Նաղդալյանը փորձեց հանգստացնել Էդուարդ Շարմազանովին: Վերջինս մատ թափ տվեց Նիկոլ Փաշինյանի վրա: