Էրդողանից թաղապետ նույնիսկ դուրս չի գա

Թուրքիայի վարչապետ Ռեջեփ Թայիփ Էրդողանը կայցելի Քըրքլարելիի Փընարհիսար շրջանում գտնվող բանտը, որտեղ նա 10 տարի առաջ 4 ամիս 10 օր բանտարկված է եղել. տեղեկացնում է  haber1.com-ը:

Էրդողանի այցի պատճառով շրջանում մի շարք բարեփոխումներ են կատարում:

Բանտի նախկին պահակը լրագրողներին պատմել է բանտում` Էրդողանի անցկացրած օրերի մասին` նշելով, որ նա շատ այցելուներ ուներ, իսկ ազատ ժամանակ գիրք էր կարդում: «Ասում էին, որ Էրդողանից թաղապետ նույնիսկ դուրս չի գա, բայց ես անկեղծորեն զգում էի, որ նա կդառնա վարչապետ»,- ասել է նա:

Նշենք, որ Էրդողանը բանտարկվել էր «մարդկանց միջեւ կրոնական և ռասայական տարբերություն դնելով` բացահայտորեն ատելություն և թշնամանք սերմանելու» մեղադրանքով: