Պուտինն Ուկրաինային հիշեցրել է պարտքերի մասին

ՌԴ նախագահ Վլադիմիր Պուտինը համարում է, որ Ուկրաինայի և ԵՄ-ի միջև ազատ առեւտրի գոտու մասին համաձայնագիրը «մեծ սպառնալիք» կարող է լինել ռուսական տնտեսության համար: Ըստ BBC Russian-ի` այդ մասին նա ասել է Իտալիա այցի ժամանակ:

«Եթե Ուկրաինան ստորագրի համաձայնագիրը, նշանակում է` իր վրա կվերցնի մաքսային տարիֆները 85%-ով զրոյացնելու պարտականությունը, իսկ այնուհետ նաև՝ 95-98%-ով: Իսկ այդ դեպքում, եթե մենք պահպանենք Ուկրաինայի հետ ազատ առևտրի գոտին, ապա եվրոպական ապրանքը կարող է Ուկրաինայի տարածքով ՌԴ ներմուծվել, ինչը մեծ սպառնալիք կլինի մեր տնտեսության համար»,- պարզաբանել է նա:

Բացի այդ` Պուտինը հիշեցրել է, որ Ռուսաստանը Ուկրաինայի համար գազի զեղչերի պատճառով 10 մլրդ դոլարի կորուստ է ունեցել, նաև` այն գումարների մասին, որ Ուկրաինան պարտք է Сбербанк-ին, ВЭБ-ին, ВТБ-ին և Газпромбанк-ին: