Հայտնի է Կազանի ավիավթարի հնարավոր պատճառը

Կազանում վթարված Boeing 737-ի հրամանատարը վերջին մի քանի րոպեներին համառորեն ղեկը դեպի առաջ է պահել՝ օդանավն ուղղելով քթամասով ներքեւ: Այդ մասին ասվում է Ռուսաստանի Միջպետական ավիացիոն հանձնաժողովի եզրակացության մեջ. հայտնում է Российская газета-ն:

Ինչո՞ւ օդաչուն ղեկը չի պահել դեպի իրեն և երկրորդ պտույտը չի կատարել, դեռ հայտնի չէ:

«Ուշագրավն այն է, որ նա ստացել է երկրորդ պտույտ կատարելու թույլտվությունը, քանի որ վայրէջքի առաջին փորձն անհաջող է եղել, սակայն հետո իրեն տարօրինակ է պահել: Երկրորդ օդաչուն ընդհանրապես չի փորձել միջամտել իրավիճակին»,- ասվում է եզրակացության մեջ:

Այս պահին հայտնի է այսքանը: Վթարի իրական պատճառները, ինչպես նշում է պարբերականը, հնարավոր է` այդպես էլ չպարզվեն: