Ընդդիմադիր գործիչներից ամեն մեկը երեք-չորս կնիկ ունի. Մհեր Սեդրակյան

Այսօր ԱԺ-ում պատգամավոր Մհեր Սեդրակյանը չէր ուզում պատասխանել լրագրողների հարցերին` պատճառաբանելով, թե իր պատգամավոր ընկերները նեղանում են իրենից, որովհետև մամուլում անընդհատ իր հարցազրույցներն են, իսկ մնացածներին լրագրողները ուշադրություն չեն դարձնում:

Այնուամենայնիվ, պատասխանելով ընդդիմադիր պատգամավորների կողմից բարձրացրած` Իշխան Զաքարյանի առանձնատան վերաբերյալ հարցին` նա նշեց. «Դուք հլը նայեք, թե էդ կարկառուն ընդդիմադիրներն ինչեր ունեն` վիլլաներ… Չեմ ուզում շատ խորանամ, բայց նայեք ընդդիմության գլուխգործոցներին, բոլորին էլ նայեք, տեսեք ինչեր ունեն, չեմ ուզում անուններ տալ։ Ամեն մեկն էլ մի երեք-չորս հատ էլ կնիկ ունեն»։