Հովիկ Աբրահամյանը պարեց արարատցիների հետ

Քիչ առաջ Արարատում ավարտվել է Արարատի քաղաքապետի ՀՀԿ-ական թեկնածուի հանրահավաքը, որին մասնակցում էր նաեւ ԱԺ նախագահ Հովիկ Աբրահամյանը:

Արարատի քաղաքապետի պաշտոնի համար պայքարում են երկու թեկնածու` ՀՀԿ կողմից առաջադրված Հայկ Հայկյանը և ԲՀԿ-ի թեկնածու Սամվել Բարսեղյանը:

Ամփոփիչ հանրահավաքին ելույթ է ունեցել ԱԺ նախագահ Հովիկ Աբրահամյանը եւ կոչ արել ընտրել ՀՀԿ թեկնածուին: Նա նաեւ պարել է քաղաքացիների հետ: Աբրահամյանը հորդորել է լրագրողներին «չկռվացնել» երկու թեկնածուներին, որովհետև ընտրությունները կանցնեն, կգնան, իսկ հետո այդ մարդիկ իրար հետ հաց են ուտելու, հարսանիք են գնալու: Հեռանալիս նա կատակել է` դիմելով ՀՀԿ-ական թեկնածուին. «Հա'յկ, որ չհաղթես, չերևաս աչքիս»: