Yerkir.am-ի հրապարակման պտուղները

Yerkir.am-ը հոկտեմբերի 9-ին հոդված էր ներկայացրել /«Ուզում եմ ես էլ դպրոցից հոգնած տուն գալ»/, ըստ որի` Հույսի ավան թաղամասում բնակվող Ղազարյան Արուսյակի երեք երեխաները դպրոց չեն հաճախում հագուստ եւ գրենական պիտույքներ չունենալու պատճառով:

Yerkir.am-ը դրամահավաք կազմակերպեց, որին արձագանքեցին բազմաթիվ մարդիկ, ինչպես նաեւ Երեւանի քաղաքապետարանը, ՀՀ ԿԳՆ-ն, Հայաստանում ԱՄՆ դեսպանատունը: Արդյունքում գնեցինք գրենական պիտույքներ ու հագուստ եւ այցելեցինք երեխաներին:

Տիկին Արուսյակը տեղեկացրեց, որ արդեն դպրոցից վերցրել է դասագրքերը, եւ վաղվանից երեխաները դպրոց կհաճախեն:

Yerkir.am-ը շնորհակալ է բոլոր նրանց, ովքեր արձագանքեցին եւ իրենց ներդրումն ունեցան երեխաների երազանքն իրականացնելու` դպրոց գնալու գործում: