Բուդապեշտ-2013. Արսեն Ջուլֆալակյանը աշխարհի առաջնության բրոնզե մեդալակիր է

Հունգարիայի մայրաքաղաք Բուդապեշտում ավարտվեց ըմբշամարտի աշխարհի առաջնությունը: Մրցութային վերջին օրը մրցագորգ էին դուրս եկել 66 կգ քաշային Սասուն Ղամբարյանը, 74 կգ քաշային Արսեն Ջուլֆալակյանը և 12 0կգ քաշային Վաչիկ Եղիազարյանը:

Վաչիկ Եղիազարյանը մեկնարկային գոտեմարտում պարտվեց գերմանացի ըմբիշին, իսկ Սասուն Ղամբարյանը 1/8 եզրափակիչում պարտվեց եզրափակիչ դուրս եկած ռուս ըմբիշին: Ղամբարյանը հնարավորություն ստացավ  սփոփիչ գոտեմարտեր անցկացնել, սակայն պարտվեց հենց առաջին գոտեմարտում` կուբացի ըմբիշին:

74 կգ քաշային, Լոնդոնի օլիմպիական խաղերի փոխչեմպիոն Արսեն Ջուլֆալակյանը 1/8 եզրափակիչում պարտվեց ռուս Ռոման Վլասովին: Սակայն հայ ըմբիշը փայլուն գոտեմարտեց առաջնության սփոփիչ փուլում և բրոնզե մեդալի համար պայքարում առավելության հասավ դանիացու նկատմամբ:

Այսպիսով` ըմբշամարտի` աշխարհի ավարտված առաջնությունից  Հայաստանի հավաքականը վերադառնում է 1 ոսկե, 1 արծաթե և 2 բրոնզե մեդալներով: