Անկախության համազգային երթը մեկնարկել է

Ազատության հրապարակից մեկնարկել է Անկախության համազգային երթը, որն ընթանալու է Ազատության հրապարակ- Հյուսիսային պողոտա- Ամիրյան փողոց- Մաշտոցի պողոտա- Բաղրամյան 26- Ազատության հրապարակ երթուղով:

Երթը կազմակերպել են մի խումբ ակտիվիստներ: Նրանք բողոքում են Հայաստանի՝ Մաքսային միությանը միանալու դեմ: Ըստ նրանց՝ Հայաստանի Հանրապետությունը չի կարող միանալ իր անկախությանն ու ինքնիշխանությանը սպառնացող որևէ միության: 

"Հայաստանի Հանրապետությունում իշխանությունը պատկանում է ժողովրդին և որևէ մեկի որոշումը գերակա չի կարող լինել 22 տարի առաջ Անկախության օգտին քվեարկած 2 միլիոնից ավելի քաղաքացիների որոշումից:

Հստակ հասկանալով մեր պետականության գլխին կախված սպառնալիքը, Անկախության երթին միացած տարբեր քաղաքական ուժերի և քաղաքացիական խմբերի անդամներս կամ համակիրներս, պատրաստակամություն ենք հայտնում մի կողմ թողնել մեր միջխմբային եւ գաղափարական հակասություններն ու անհամաձայնությունները, լծվելու համար մեր հայրենիքի ինքնիշխանության համար վերսկսվող պայքարին",-գրված է երթի ֆեյսբուքյան էջում:

Լուսանկարը՝ Tert.am-ի