Ավտովթարից զինվորականեր են զոհվել

Այսօր՝ սեպտեմբերի 8-ին, ողբերգական ավտովթար է տեղի ունեցել Գեղարքունիքի մարզում: Ժամը 06:00-ի սահմաններում Opel Vectra մակնիշի 32 ՕՏ 479 համարանիշի ավտոմեքենայի վարորդը Սեւան-Մարտունի-Գետափ ավտոճանապարհի 17-րդ կմ հատվածում՝ Լճափ գյուղի խաչմերուկում, դուրս գալով ճանապարհի երթեւեկելի գոտուց եւ գլխիվայր շրջվելով, հայտնվել է դաշտամիջում գտնվող ժայռաբեկորների վրա:

Ֆոտոլրագրող Գագիկ Շամշյանը վթարի վայրից հայտնել է, որ վթարի հետևանքով տեղում 2 հոգի մահացել են, իսկ 51-ամյա Զավեն Հակոբյանը եւ 25-ամյա Արամ Հակոբյանը մարմնական վնասվածքներով տեղափոխվել են Գավառի բժշկական կենտրոն: Ավտոմեքենայի՝ գլխիվայր շրջվելու հետևանքով մահացածները դուրս են ընկել ավտոմեքենայից:

Ըստ Գագիկ Շամշյանի՝ Գեւորգ Հովհաննիսյանն ու Ռուբեն Բաղյանը ժամկետային զինծառայողներ են: Ֆոտոլրագրողին վթարի վայրում հավաքվածները պատմել են, որ վիրավորներն ու մահացածները ազգականներ են: Մասնավորապես` Զավեն եւ Արամ Հակոբյանները հայր ու որդի են: