Դեկտեմբերի 21-ի առավոտյան Արցախից օկուպացված Վարանդայի (Ֆուզուլի) շրջանում տեղի է ունեցել ճանապարհատրանսպորտային պատահար, որի հետևանքով ադրբեջանցի երկու սպա է մահացել. հայտնում են ադրբեջանական ԶԼՄ-ները:
Ադրբեջանի ՆԳՆ մամուլի ծառայությունից հայտնում են, որ Արազ Նազարովի (1984 թ. ծնված) վարած «Մերսեդես» մակնիշի ավտոմեքենան շրջվել է, ինչի հետևանքով վարորդը և նրա ուղևոր Իլկին Իմդադլին (1989 թ. ծնված) մահացել են։