Մահացել է Արթիկ ՔԿՀ պետը

57 տարեկան հասակում մահացել է Արթիկ ՔԿՀ պետ, գնդապետ Վարդան Սարգսյանը:

Վարդան Սարգսյանը ծնվել էր 1956 թ., 1982թ. ավարտել է Կիրովականի պետական մանկավարժական ինստիտուտը, նույն թվականից մինչեւ 1991թ. աշխատել ՀՀ ՆԳՆ ուղղիչ աշխատանքային գաղութների վարչությունում:

1991-1993թթ. իր հրամանատարությամբ գործող գումարտակը մասնակցել է Շահումյանի շրջանի (Բուզլուխ, Մանաշիդ, Էրքեջ, Վերինշեն, Հայ-Բարիս, Կարաչինար) եւ Մարտակերտի շրջանի մարտական գործողություններին: 1994-2001թթ. ծառայել է ՀՀ պաշտպանության նախարարությունում:

2002թ. աշխատանքի է անցել ՀՀ արդարադատության նախարարության քրեակատարողական վարչությունում' զբաղեցնելով մի շարք պատասխանատու պաշտոններ, 2009թ-ից' «Արթիկ» ՔԿՀ-ի պետի պաշտոնը: