«Արթիկ» ՔԿՀ-ի կալանավորն ինքնասպանության փորձ է արել

«Ժողովուրդ» օրաթերթը գրել էր, որ «Արթիկ» ՔԿՀ-ի դատապարտյալը երեկ փորձել է ինքնասպանություն գործել՝ իրեն ծառից կախելով, սակայն ՔԿՀ աշխատակիցներին հաջողվել է կանխել ինքնասպանությունը:

Yerkir.am-ի հետ զրույցում ՀՀ ԱՆ քրեակատարողական վարչության հանրային կապերի վարչության պետ Գոռ Ղլեչյանը հաստատեց այս լուրը` նշելով, որ դատապարտյալը Հովհաննես Առաքելյանն է:

Նշենք, որ Առաքելյանը ազատազրկման է դատապարտվել ՀՀ ՔՕ 175-րդ հոդվածի 1-ին մասի` ավազակություն կատարելու հատկանիշներով: Ժամանակին նա «Սևան» ՔԿՀ-ից փախուստ կատարելու փորձ է արել և ՔԿՀ-ում հաշվառված է որպես փախուստի հակում ունեցող դատապարտյալ, այսինքն` նրա վարքագիծը բնութագրվում է բացասական:

Ղլեչյանի խոսքով` կալանավորն ինքնասպանության փորձ է կատարել, երբ ՔԿՀ-ի վարչական հանձնաժողովը մերժել է նրա` պայմանական վաղաժամկետ ազատ արձակվելու դիմումը: