«Արթիկ» ՔԿՀ-ում 28-ամյա դատապարտյալ է մահացել

«Արթիկ» քրեակատարողական հիմնարկում ապրիլի 6-ին մահացել է 28-ամյա դատապարտյալ Արսեն Գրիգորյանը: Այս մասին Yerkir.am-ին հայտնեց ՀՀ ԱՆ քրեակատարողական ծառայության հանրային կապերի վարչության պետ Գոռ Ղլեչյանը:  Նրա խոսքով՝ դատապարտյալն օրեր առաջ հետազոտվել է Գյումրիի բժշկական կենտրոնում, համապատասխան դեղորայքային բուժում է նրան նշանակվել, որն էլ դատապարտյալը ստացել է: Ղլեչյանը չմասնավորեցրեց՝ կոնկրետ ինչ առողջական խնդիրներ է ունեցել Արսեն Գրիգորյանը: Ղլեչյանը նաև նշեց՝այն լուրերը, թե դատապարտյալը պահանջել էր տեղափոխել իրեն քաղաքացիական հիվանդանոց, սակայն դա անելու համար նրանից 400 հազար դրամ են պահանջել,  իրականությանը չեն համապատասխանում: