Նախկին նախագահին կդատեն... բայց՝ ոչ Հայաստանի

Հանովերի դաշնային դատարանում նոյեմբերի 1-ին տեղի կունենա Գերմանիայի նախկին նախագահ Քրիստիան Վուլֆի դեմ առաջին դատական նիստը: Այս մասին գրում է «Ria novosti»-ն: Կաշառք վերցնելու մեջ մեղադրվող Վուլֆը առաջին նախագահն է Գերմանիայի պատմության մեջ, որ մեղադրյալի աթոռին է նստում:

Նախապես դատախազությունը պետության նախկին ղեկավարին բազմաթիվ մեղադրանքներ է ներկայացրել, դատական կոլեգիան, սակայն, հիմնավորված է համարել մեղադրանքների մի մասը միայն, կաշառակերությունն էլ փոխարինվել է անձնական շահի նպատակով պաշտոնական դիրքի չարաշահում կետով: Նախկին նախագահը հիշյալ գործով միակ մեղադրյալը չէ:

Քրիստիան Վուլֆը Գերմանիայի նախագահի պաշտոնը լքել էր 2012թ. ձմռանը՝ նույն կասկածանքի պատճով, որի համար այժմ մեղադրյալի աթոռին է: Նշենք, որ խոսքը «նախագահի համար» չնչին գումարի մասին է՝ մոտ 1000 եվրոյի: