ԱՄՆ-ը սպառնում է չեղյալ համարել ՌԴ-ի հետ գագաթաժողովը

ԱՄՆ-ի մոտ կասկածներ են առաջացել Բարաք Օբամայի և Վլադիմիր Պուտինի սեպտեմբերյան հանդիպման նպատակահարմարության հարցում այն բանից հետո, երբ Ռուսաստանը որոշել է մեկ տարով ապաստան տրամադրել ԿՀՎ նախկին աշխատակից Էդվարդ Սնոուդենին. հայտնում է France-Presse-ը:

Սպիտակ տունը «խոր հիասթափություն» է հայտնել ՌԴ Միգրացիոն ծառայության՝ Սնոուդենին ապաստան տալու որոշման հետ կապված, սակայն հուսով է, որ այդ հարցի վերաբերյալ բանակցությունները դեռ կշարունակվեն:

Սպիտակ տան մամուլի խոսնակ Ջեյ Քարնին հայտնել է, որ Սնոուդենը ոչ թե բացահայտող է, այլ հանցագործ, որին մեղադրանք է ներկայացված մի քանի հոդվածներով։ Քարնին ավելացրել է, որ դեռ չի կարող մեկնաբանել սեպտեմբերին Վլադիմիր Պուտինի հետ կայանալիք հանդիպման կապակցությամբ Բարաք Օբամայի ծրագրերը։