Twitter-ի ակունքները 19-րդ դարում են

Twitter-ի ի հայտ գալը յուրատեսակ հեղափոխություն էր, երբ 2006-ին Ջեկ Դորսին այն ներկայացրեց աշխարհին: Սակայն գիտնականները «թվիթերանման» հաղորդակցության փաստ են հայտնաբերել` 19-րդ դարով թվագրվող. տեղեկացնում է Russia Today-ը:

Կորնելի համալսարանի պրոֆեսոր Լի Համֆրիսի կարծիքով` 2 դար առաջ ապրած մարդկանց անձնական օրագրերի ձեւաչափը շատ փոքր էր` մոտ 5-7 սմ: Այդ պատճառով դրանցում գրվող նախադասությունները չափազանց կարճ էին` ներկայիս «թվիթների» նման:

Իր ուսանողների հետ պրոֆեսորն ուսումնասիրել է Twitter-ում ժամանակակից զինվորականների եւ ԱՄՆ Քաղաքացիական պատերազմի ժամանակների զինվորականների գրառումները: Առաջինները օգտվում են ինտերնետից, երկրորդներն իրենց հաղորդագրությունները փոխանցում էին դաշտային փոստով, սակայն երկու դեպքում էլ հաղորդագրությունները միատեսակ են` կարճ ու բովանդակալից: