Բրիտանական արքայական ավանդույթները` առաջ եւ հիմա

Մեծ Բրիտանիայում, արքայական  երեխայի ծնունդի հետ կապված, ավանդույթները փոխվել են:  Օրինակ` արքայազն Չարլզը ծնվել է Բուկինգհեմյան դղյակում, որտեղ հատուկ սենյակ էին պատրաստել այն ժամանակ դեռեւս արքայադուստր Էլիզաբեթի համար: Ի դեպ, նա վերջին միապետն էր, ով ծնվել է հենց դղյակում: Իսկ ծնվելու մասին լուրը հայտարարվել է` դղյակի ցանկապատին հայտարարություն տեղադրելով:

Արքայադուստր Դիանան կոտրել է այդ ավանդույթը եւ իր երկու զավակներին ծննդաբերել արքայական հիվանդանոցում: Դքսուհի Քեյթը իր երեխային նույնպես կծննդաբերի հիվանդանոցում: Իսկ հայտարարությունները կարվեն Facebook-ում եւ Twitter-ում: 

Արքայական երեխայի դաստիարակությունը նույնպես տեղի է ունեցել դղյակում: Թագուհի Էլիզաբեթը երբեք դպրոց չի գնացել: Նա կրթություն է ստացել հենց Բուկինգհեմյան դղյակում: Հիմա դա նույնպես փոխվել է:

Արքայական ընտանիքի ամենամեծ փոփոխությունը գահի ժառանգումն է: Դարեր շարունակ արքայական գահը ժառանգել է բացառապես արական սեռի ներկայացուցիչը: Ըստ նոր օրենքի` արքայական թագը կժառանգի առաջին ծնված երեխան` անկախ սեռից:

Աղբյուրը` ABC news