Ցեղասպանության դեմ ուղղված թուրքական հակաթեզը ներկայացվել է Թուրքիայի 10-րդ դասարանցիներին

Հայոց ցեղասպանության դեմ ուղղված թուրքական հակաթեզը ներկայացվել է Թուրքիայի դպրոցների տասներորդ դասարանում սովորող աշակերտներին: Քյութահիայում (Կուտինա) հաղորդվել է, որ, այսպես կոչված, «1915 թ. դեպքերի վերաբերյալ հայկական անհիմն պնդումների մասին Թուրքիայի թեզն ամեն տարի տասներորդ դասարանի աշակերտներին ներկայացնելու» ծրագիրն այստեղ ավարտին է հասցվել:

Այդ մասին հաղորդում է Akunq.net-ը` վկայակոչելով թուրքական «Իհլաս» լրատվական գործակալությանը: Աղբյուրի համաձայն` սույն նախագծի շրջանակներում Քյութահիա նահանգի կենտրոնում և այլ գավառներում, ընդհանուր առմամբ, կազմակերպվել է 22 կոնֆերանս, որոնց մասնակցել է 10-րդ դասարանում ուսանող 5.591 աշակերտ: Շեշտվել է նաև, որ 2013 թ. ապրիլից մեկնարկած այս կոնֆերանսները «91 տոկոսով հաջողությամբ են պսակվել»: