Հայաստանը զենքի վաճառքից տեղյակ է եղել

ՀՀ պաշտպանության նախարարի մամուլի խոսնակ Արծրուն Հովհաննիսյանը facebook-ի իր էջում անդրադարձել է Ռուսաստանի Դաշնությունից Ադրբեջանին զենք-զինամթերք վաճառելու հարցին՝ գրելով. «Ադրբեջանի սպառազինության եւ ռազմական տեխնիկայի ձեռքբերումները, ընդհանրապես, չեն գնահատվում խնդրահարույց եւ հայտնի են ՀՀ համապատասխան ծառայություններին դեռեւս պայմանագրերի կնքման պահից: Վաճառվող արտադրանքի տեսակներն ու քանակը չի խախտում ուժերի հավասարակշռությունը եւ նախադրյալներ չի ստեղծում Ադրբեջանի ղեկավարության համար՝ իհարկե խելամտության դեպքում, ՀՀ եւ ԼՂՀ դեմ ռազմական ագրեսիա իրականացնելու համար»:

Արծրուն Հովհաննիսյանը նշել է, որ ՀՀ պաշտպանության նախարարությունը զերծ կմնա որեւէ հայտարարություն անելուց կամ դիրքորոշում հայտնելուց՝ հաշվի առնելով «լրահոսում տեղ գտած որոշակի ապատեղեկատվության տարրերի հանգամանքը»: