Պուտինի պատկերով շապիկների վաճառքից ստացված գումարը կտրամադրվի Ուկրաինայից հայ երեխայի բուժմանը

ԳՈՒՄ առևտրի տունը ՌԴ  նախագահ Վլադիմիր Պուտինի պատկերով շապիկների վաճառքից ստացված գումարը կուղղի  Սլավյանսկ քաղաքից 8-ամսական հայ երեխա  Ժենյա Եզիկյանի բուժմանը. հայտնում է Russia Today-ը:

Նշենք, որ հունիսի 11-ին ԳՈՒՄ-ում սկսվել էր Պուտինի պատկերով շապիկների հավաքածուի վաճառքը, որը նվիրված է միջազգային ասպարեզում նրա հաղթանակներին: Մեկ օրվա ընթացքում մոտ 5 000 շապիկ էր վաճառվել:

Ժենյա Եզիկյանը 6-ամսականից արհեստական շնչառության սարքով է պահպանում իր գոյությունը. նա ամիոտրոֆիա ունի: Երեխային դուրս էին բերել Ուկրաինայից, երբ Սլավյանսկի հիվանդանոցը տուժել էր գնդակոծումից: Այժմ երեխան ստացիոնար բուժում է անցնում Սանկտ Պետերբուրգում: