Հայաստանի ազգային հավաքականն արդեն Դանիայում է

Ինչպես արդեն տեղեկացրել ենք` այսօր առավոտյան ֆուտբոլի Հայաստանի ազգային հավաքականը չարտերային ուղիղ չվերթով մեկնել է Դանիայի մայրաքաղաք Կոպենհագեն: 

Վաղը` հունիսի 11-ին Դանիայում կանցկացվի 2014թ. Աշխարհի գավաթի ընտրական մրցաշարի հերթական հանդիպումը Դանիայի եւ Հայաստանի ազգային հավաքականների միջեւ: 

Ինչպես հայտնում է ՀՖՖ-ի պաշտոնական կայքը`  Հայաստանի ազգային հավաքականի ինքնաթիռն արդեն վայրէջք է կատարել: Ազգային  ընտրանին հանգրվանել է «Հիլթոն Կոպենհագեն Էյրփորտ» հյուրանոցում:

Այսօր երեկոյան, Երևանի ժամանակով ժամը 21:00-ին, Հայաստանի ազգային ընտրանին նախախաղային մարզում կանցկացնի Կոպենհագենի «Պարկեն» մարզադաշտում, որտեղ տեղի է ունենալու հանդիպումը: 

Մարզումից առաջ, Երեւանի ժամանակով ժամը 20:30-ին կկայանա Հայաստանի ազգային հավաքականի գլխավոր մարզիչ Վարդանի Մինասյանի մամուլի ասուլիսը:

Հիշեցնենք, որ Հայաստան-Դանիա հանդիպումը կայանալու է հունիսի 11-ին, Երևանի ժամանակով ժամը 22:15-ին, Կոպենհագենի «Պարկեն» մարզադաշտում: