Հայաստանի հավաքականը ուժեղագույններից մեկն է խմբում. Պյետրո Գեդինի

ԱԱ-2014-ի նախընտրական փուլի` Հայաստան-Մալթա հանդիպումից առաջ Մալթայի գլխավոր մարզիչ Պյետրո Գեդինին լրագրողների հետ հանդիպման ժամանակ նշեց, որ Հայաստանից մեկ միավորով վերադառնալն էր նրանց համար հաջողություն է:

«Մենք շատ լրջորեն ենք պատրաստվում գալիք հանդիպմանը: Հայաստանը շատ ուժեղ հավաքական է և ունի ուժեղ ֆուտբոլիստներ: Ամեն ինչ կանենք թեկուզ մեկ միավոր վաստակելու համար: Շատ ափսոս, որ մեր թիմից բացակայում են չորս կարևոր ֆուտբոլիստներ, բայց մենք ունենք նրանց փոխարինողներ: Նախորդ մրցաշրջանում Հայաստանը բավական հաջող հանդես եկավ: Այս մրցաշրջանն էլ նրանք լավ սկսեցին, սակայն ինչ-որ բան այնպես չգնաց, այնուամենայնիվ, ես կարծում եմ, որ Հայաստանի հավաքականը ուժեղագույններից մեկն է խմբում: Այստեղ կան 5-6 պրոֆեսիոնալ ֆուտբոլիստներ, ովքեր շատ լավ խաղ են ցուցադրում: Ճիշտ է`  մենք չունենք միավոր, և սա մրցաշրջանի վերջին հանդիպումն է, սակայն մենք այստեղ զբոսաշրջիկի կարգավիճակով չենք եկել: Ամեն ինչ անելու ենք`  ցուցադրելու համար մեր լավագույն խաղը: Հայաստանից թեկուզ մեկ միավոր տանելը նույնպես հաջողություն է»,- նշեց մարզիչը: