ՕԵԿ-ը՝ պարտքերի տակ

Այս տարվա մայիսի 6-ին Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գայանե Կարախանյանը որոշում է կայացրել «Օրինաց երկիր» կուսակցության դեմ պետական գույքի կառավարման վարչության հայցը վերադարձնելու մասին: Բանն այն է, որ պետգույքի կառավարման վարչությունը դիմել էր դատարան` պահանջելով պարտավորեցնել ՕԵԿ-ին իրեն վճարել տարածքի վարձակալության համար 5 մլն 336 հզ. 892 դրամ պարտքը:

«Ժողովուրդ»-ը գրում է, որ մինչեւ կսկսվեր այս գործի դատավարությունը, ՕԵԿ-ը չխայտառակվելու համար շատ արագ վերադարձրել է ավելի քան 5 մլն դրամի պարտքը: Դատարանն էլ գործը վերադարձրել է: Բայց սա միակ խայտառակությունը չէ այդ կուսակցության համար:

«Ժողովուրդ»-ը տեղեկացել է, որ մինչ այս եղել են դեպքեր, երբ դատարանը բավարարել է ՕԵԿ-ի դեմ կրկին պարտքը վերադարձնելու պահանջով ներկայացված հայցերը, օրինակ` պետգույքի կառավարման վարչության հայցի հիման վրա 2012թ. դատարանը ստիպել է ՕԵԿ-ին վերադարձնել 110 հազար դրամ պարտքը: