Հավատում եմ, որ կհաղթենք. Նորայր Ասլանյան

Ֆուտբոլի Հայաստանի ազգային հավաքականի նորեկ Նորայր Ասլանյանը Ավանի ակադեմիայում կայացած բաց մարզումից հետո լրագրողների հետ հանդիպման ժամանակ խոսեց իր տպավորություններից և սպասելիքներից:

«Շատ տպավորված եմ: Ակադեմիան, խաղադաշտերը... Չէի սպասում: Անգամ  Հոլանդիայում այսպիսի բան չեմ տեսել: Ինչ վերաբերում է խաղին, ես հավատում եմ, որ մենք կհաղթենք: Շատերն են ասում, որ սա  ֆուտբոլ է, և ամեն ինչ կարող է պատահել, բայց մենք Մալթայից  ավելի ուժեղ ենք և պետք է հաղթենք: Հուսով եմ` կկարողանամ օգնել հավաքականին: Դանիայի  դեմ էլ կարող ենք շատ լավ խաղալ: Հույս ունեմ` կհաջողվի 6 միավոր վաստակել»,- նշեց Ասլանյանը:

Խոսելով իր և թիմակիցների փոխհարաբերությունների մասին` Ասլանյանը նշեց. «Լյուքսեմբուրգում շատ կարճ էր ժամանակը` ընդամենը 3 օր, չհասցրեցի լավ  ծանոթանալ նրանց հետ: Իսկ հիմա` արդեն մեկ շաբաթ է, որ այստեղ եմ,  հասցրել եմ  շփվել և ընկերանալ տղաների հետ»:

Ֆոտո` Շուշանիկ Հակոբյան: