Ստորագրվեց Հ.Մ.Ը.Մ-ական 9-րդ մարզախաղերի եռակողմ փոխըմբռնման հուշագրը

 «Արմենիա Մարիոթ» հյուրանոցում այսօր կայացավ  եռակողմ փոխըմբռնման հուշագրի ստորագրումը` Հայաստանի ազգային օլիմպիական կոմիտեի քարտուղար Հրաչ Ռոստոմյանի, «Գագիկ Ծառուկյան»  բարեգործական հիմնադրամի ծրագրի տնօրեն Վահե Հովհաննիսյանի և Հայ մարմնակրթական ընդհանուր միության (Հ.Մ.Ը.Մ.) կենտրոնական վարչության ներկայացուցիչ Բագրատ Եսայանի միջև:

Հուշագիրը հավաստում է  երեք կողմերի պատրաստակամությունը` համագործակցել Համա-Հ.Մ.Ը.Մ.-ական 9–րդ մարզախաղերի անցկացման ժամանակ: Իսկ մարզախաղերի հաջող անցկացմանը նպաստելու համար «Գագիկ Ծառուկյան» բարեգործական հիմնադրամը տրամադրելու է  100 000 ԱՄՆ դոլար։

Մարզախաղերն օլիմպիական ոգով ու արդար խաղի կանոններով անցկացնելու հարցում ակնկալվում է Հայաստանի ազգային օլիմպիական կոմիտեի օժանդակությունը:

Մանրամասները` տեսանյությում:

Համա-Հ.Մ.Ը.Մ.-ական 9-րդ մարզախաղերն այս տարի կկայանան  հուլիսի 27–ից օգոստոսի 3-ը Երևանում և կներառեն հետևյալ մարզաձևերը` բասկետբոլ, ֆուտբոլ, վոլեյբոլ, թենիս, թեթև ատլետիկա, լող, սեղանի թենիս, շախմատ:

Ակնկալվում է շուրջ 600  մարզիկների մասնակցություն: