Խորվաթիայում սակրավոր մեղուներ կան

Խորվաթ գիտնականները մեղուներին սովորեցրել են հոտով հայտնաբերել 1990-ականների զինված հակամարտությունից մնացած ականները: Այն ժամանակ ավելի քան 90 հազար ական է տեղադրվել, որոնց պայթյունից զոհվել է մոտ 2,5 հազար մարդ. տեղեկացնում է ИТАР-ТАСС-ը:

«Մեղուները շներից ոչ պակաս կարողանում են տարբերել հոտերը: Այդ միջատի համար դժվարություն չէ հիշել, թե ինչպես է բուրում պայթուցիկը: Փորձերը ցույց են տվել, որ մեղուները կարող են ճշգրիտ տեղը ցույց տալ»,- ասում է Զագրեբի համալսարանի պրոֆեսոր Նիկոլա Կեժիչը:

Մեղուներին վարժեցնում են` նրանց սննդի մեջ փոքր քանակությամբ տրոտիլ ավելացնելով: Ըստ գիտնականների` այդ գործընթացը բավականին էժան է, բացի դրանից` մեղուներն այնքան թեթեւ են, որ չեն կարող ակտիվացնել ականի պայթուցիչը եւ վնասել իրենց ու շրջապատի մարդկանց: