Ճապոնիան այսօր 4 հատ Patriot է ստացել

Այսօր Patriot զենիթահրթիռային համալիրի նորագույն`РАС-3 տարատեսակից 4 օրինակ բերվել է ճապոնական Օկինավա կղզի: Ըստ Ճապոնիայի պաշտպանության նախարարության հաղորդագրության` դրանք նախատեսված են ԿԺԴՀ բալիստիկ հրթիռները որսալու համար. տեղեկացնում է ИТАР-ТАСС-ը:

Այսօր ավելի վաղ Ճապոնիայի պաշտպանության նախարար Իցունորի Օնոդերան հայտարարել էր, որ Ճապոնիայի ինքնապաշտպանության ուժերը աչալրջորեն հետեւում են Փհենյանի գործողություններին, որը վերջին շրջանում բալստիկ հրթիռներ փորձարկելու կանխանշաններ է ցույց տալիս: «Հյուսիսային Կորեայի կողմից սպառնալիքը պահպանվում է, այդ պատճառով մենք մտադիր չենք թուլացնել մարտական պատրաստականության ռեժիմը»,- ընդգծել է նախարարը: