Փոխարժեքներ
25 10 2024
|
||
---|---|---|
USD | ⚊ | $ 387.14 |
EUR | ⚊ | € 418.07 |
RUB | ⚊ | ₽ 4 |
GBP | ⚊ | £ 502.2 |
GEL | ⚊ | ₾ 141.94 |
Քանի որ Սերժ Սարգսյանի և’ ընտրությունը, և’ վերընտրությունը հարթ ու սահուն ընթացք չունեցան, նա ամեն ինչ փորձում է անել, որպեսզի իրեն նախագահ համարեն. գրում է «Ժողովուրդը»:
Թերթին հայտնի է դարձել, որ այդ նպատակով նա դեռևս ապրիլի 5-ին՝ իր երդմնակալության օրվանից 4 օր առաջ, հրամանագիր է ստորագրել Հայաստանում նախագահական իշխանության խորհրդանիշ հիմնելու մասին:
Թերթը նշում է, որ նման խորհրդանիշ ունեն այն երկրների ղեկավարները, որոնք այնքան էլ աչքի չեն ընկնում իրենց ժողովրդավարությամբ, օրինակ՝ Ռուսաստանի Դաշնության նախագահ Վլադիմիր Պուտինը, Ղազախստանի նախագահ Նուրսուլթան Նազարբաևը:
«Ժողովուրդը» տեղեկացնում է, որ Սարգսյանի հրամանագրի համաձայն՝ նախագահական իշխանության խորհրդանիշն օգտագործվում է նախագահի պաշտոնի ստանձնման արարողության ընթացքում, իսկ մնացած ժամանակ պահվում նախագահական նստավայրում: