Հայաստանի և Իրանի բարեկամությունն այս տարածաշրջանում հենց քաղաքակրթական լույսի և վերածննդի խորհրդանիշ է․ Ոսկանյան

Իրանի հինավուրց քաղաքակրթական ավանդույթի շարունակականությունը նաև ապահովում են հենց այս քաղաքակրթությանը բնորոշ այնպիսի տոների պահպանումը, ինչպիսին, դիցուք, ձմեռային արևադարձին նվիրված Շաբ-ե Յալդան է։ Այս մասին գրում է իրանագետ Վարդան Ոսկանյանը։

Այսօր Երևանի իրանական դպրոցում այդ տոնին նվիրված միջոցառմանը պատիվ ունեցա ներկա գտնվելու ՀՀ-ում ԻԻՀ դեսպան Մեհդի Սոբհանիի և մշակույթի խորհրդական Մոհամմադ Ասադիի հետ միասին։

Ձմեռային արևադարձի տոնը խորհրդանշում է օրվա լուսավոր հատվածի երկարելը և լույսի վերածնունդը։

Հայաստանի և Իրանի բարեկամությունն այս տարածաշրջանում հենց քաղաքակրթական լույսի և վերածննդի խորհրդանիշ է՝ ընդդեմ խավարի և բարբարոսական տարերքի։