Օդանավակայանի ռեստորանում նաեւ գրքի ″մենյու″ կմատուցվի

2012-ին «Անտարես» հրատարակչությունը որոշել էր գրքեր վաճառել նաեւ դեղատներում եւ խաղալիքների խանութներում:

Yerkir.am-ի հետ զրույցում հրատարակչության տնօրեն Արմեն Մարտիրոսյանը նշեց, որ դեղատներն այսօր շատ ավելի են գիրք վաճառում /գիտահանրամատչելի եւ դեղաբույսերի մասին/, քան խոշոր գրախանութները:

«Իսկ մանկական գրականության ամենալավ վաճառքը կատարվում է խաղալիքների խանութներում: Մենք պետք է կարողանանք տարանջատել եւ ճիշտ ընտրություն կատարել, թե որ ժանրը որտեղ է անհրաժեշտ վաճառքի հանել: Փորձը ցույց է տալիս, որ հայաստանցին նախընտրում է ատիպիկ վաճառքի ձեւը»,- ասաց Մարտիրոսյանը` հավելելով, որ շուտով օդանավակայանի ռեստորանում սննդի եւ խմիչքի ցանկի հետ մեկտեղ նաեւ գրքի «մենյու» կմատուցվի: