Բեյրութում ռեստորանում գազի արտահոսքից ինը մարդ է զոհվել

Բեյրութի Ռաս ալ Նաբա քաղաքի Բեչարա ալ-Խուրիի ռեստորանում երեքշաբթի կեսօրին գազի արտահոսքից առաջացած հրդեհից ինը մարդ է զոհվել, ևս չորսը վիրավորվել է։ Բեչարայի հրշեջ ջոկատի ղեկավար Հասան Յասինը դեպքի վայրում L'Orient Today-ի թղթակցին հայտնել է, որ հրդեհն ամբողջությամբ մարվել է, ներսում ոչ ոք չի մնացել։

Հրդեհից հետո ութ մարդ մահացած է հայտարարվել, իսկ իններորդը ծանր վիճակում տեղափոխվել է հիվանդանոց և շուտով մահացել ստացած վերքերից։

Հրշեջ Միշել ալ-Մուրը հայտնել է, որ բոլոր ինը զոհերը Pasta Secret ռեստորանի աշխատակիցներ էին և մահացել են շնչահեղձությունից: «Նրանք չկարողացան փախչել, քանի որ փակված էին մնացել հետևի սենյակում՝ զանգերի կենտրոնում, որտեղ սննդի պատվերներ էին ընդունում հեռախոսով»,- Al-Jadeed լրատվականին ասել է ալ-Մուրը: Զոհերի ինքնության մասին այլ մանրամասներ չեն հաղորդվում։